Qəza
Paytaxtın Hüseybala Əliyev küçəsində hər gün qəza baş verir. Bu barədə AzPost-a oxuculardan biri məlumat verir. Belə ki, Kristal Abşeron şirkəti tikinti apardığı ərazidə yolun orasında daş arakəsmə qoyub. Bu isə yoldan istifadə edən sürücülərin qəzaya düşməsinə səbəb olur. “Ancaq öz traktorları, yük maşınları gələndə daşı götürürlər” – deyə oxucumuz təqdim etdiyi videoda bildirib.
Qeyd edək ki, İnzibati Xətalar Məcəlləsinin 354.0.4-cu maddəsinə görə, yolların hərəkət hissəsində sədlərin, şlaqbaumların qurulmasına və nəqliyyat vasitələrinin hərəkətinin başqa üsullarla kəsilməsinə, yaxud avtomobil yollarında nəqliyyat vasitələrinin və piyadaların hərəkətinə maneələr yaradılması zamanı fiziki şəxslər səksən manatdan yüz manatadək məbləğdə, vəzifəli şəxslər dörd yüz manatdan beş yüz manatadək məbləğdə, hüquqi şəxslər üç min manatdan dörd min manatadək məbləğdə cərimə edilir.
