“Hazırkı hərbi-siyasi vəziyyətdə KTMT hərbi komponentin gücləndirilməsinə ciddi ehtiyac var”.
Azpost.info xəbər verir ki, bunu təşkilatın baş katibi Stanislav Zas KTMT Xarici İşlər Nazirləri Şurasının, Müdafiə Nazirləri Şurasının və Təhlükəsizlik Şuraları Katibləri Komitəsinin bu gün İrəvanda keçirilən birgə iclasında bildirib.
Zasın sözlərinə görə, qarşıdakı dövrdə KTMT-nin kollektiv qüvvələrinin qoşun kontingenti ilə bir sıra taktiki və taktiki-xüsusi təlimlərin keçirilməsi nəzərdə tutulub. Bu təlimlərə sülhməramlılıq, terrorizmlə mübarizə, böhran və fövqəladə hallara cavab tədbirləri elementlərinin də daxil edilməsi planlaşdırılır.
Azpost.info
