Lənkəranda meşədə ağaclar kütləvi kəsilir –

Ekologiya Nazirliyi nə üçün buna icazə verib? (FOTOLAR)
30 İyun 2021 - 14:30

Lənkəranın Haftonu qəsəbəsi yaxınlığında meşə massivi qırılaraq yerində çay plantasiyası salınır.

Azpost.info bildirir ki, bu barədə “ekofront” ekologiya könüllüləri məlumat yayıblar.

Məlumatda deyilir ki, Ekologiya və Təbii Sərvətlər Nazirliyi 45 hektar meşə torpağını “Beta” şirkətinə verib. Şirkət isə meşə ərazisində ağacları qıraraq torpaq işləri aparır.

“Ekofront” bu addımın yolverilməz olduğunu bildirib. Könüllülər əraziyə gediblər və oradan fotoları paylaşıblar.