Gürcüstanın keçmiş prezidenti Mixail Saakaşvili Londonda Belarus lideri Aleksandr Lukaşenko ilə gizli görüşlər keçirib.
Azpost.info xarici mətbuata istinadən xəbər verir ki, Saakaşvili bunu bu gün Tbilisidə keçirilən məhkəmə iclasında deyib:”Mən Lukaşenko ilə Londonda dörd dəfə gizli görüşmüşəm. İlk dəfədir ki, bu haqda danışıram. Bu, gizli diplomatiya idi. Lukaşenkonun Cənubi Osetiya və Abxaziyanı hələ də tanımaması Londona səfərlərimin
nəticəsidir”, – Saakaşvili bildirib.
Qeyd edək ki, bu yaxınlarda Lukaşenko Vladimir Solovyova müsahibəsində Abxaziyanın və Cənubi Osetiyanın müstəqilliyinin tanınmasını istisna etmədiyini bildirmişdi. Onun sözlərinə görə, bu addımın zərurətini anlayan və Rusiya prezidenti Vladimir Putin bu barədə ona deyən kimi bu, baş verə bilər.
Azpost.info
