Dekabrın 2-də Azərbaycan Xalq Cəbhəsi Partiyasının (AXCP) sədri Əli Kərimlinin Nəsimi rayon Məhkəməsində ona qarşı xüsusi ittiham qaydasında verilən şikayət üzrə məhkəmə prosesi keçirilib.
Azpost.info bildirir ki, hakim Babək Pənahovun sədrliyi ilə keçirilən iclasda qərar elan olunub. Qərara əsasən, Əli Kərimli 1500 manat cərimə olunub.
AXCP sədri qərardan apellyasiya şikayəti verəcəyini bildirib.
Beş il öncə AXCP-dən xaric olunmuş, sonradan məhkəmə qərarı ilə bu partiyaya bərpa edilən Aydın Əliyev xüsusi ittiham qaydasında iddia qaldıraraq Əli Kərimlinin cəzalandırılmasını tələb edir. O, Cinayət Məcəlləsinin 147.1-ci (böhtan) maddəsi ilə AXCP sədrinin məsuliyyətə cəlb olunmasını istəyir.
A.Əliyev iddia edir ki, Əli Kərimli müxtəlif internet televiziyalarındakı çıxışlarında ona böhtan ataraq hakimiyyətlə əməkdaşlıqda suçlayıb.
