“Məhsuldarlıq azalacaq, su qıtlığı və səhralaşma başlayacaq” –

İstiləşmənin Azərbaycana təsiri
12 Noyabr 2019 - 21:32

“İqlim istiləşməsi məhsuldarlığı aşağı salacaq, torpaqda kimyəvi və biokimyəvi proseslərin sürətlənməsi floraya mənfi təsir edəcək”.

Azpost.info APA TV-yə istinadən bildirir ki, bunu Coğrafiya İnstitutunun direktoru, akademik Ramiz Məmmədov deyib: “İqlim istiləşməsi ilə şoranlaşmış ərazilərin sahəsi və səhralaşma prosesi artacaq, su qıtlığı yaranacaq, quraqlıq səbəbindən çayların suyu azalacaq”.

Alim həmçinin qeyd edib ki, Xəzərdə buxarlanma artacaq, Kür-Araz ovalığında quraqlıq müddəti 50-60 gündən çox davam edə bilər.