Mədəniyyət Nazirliyi teatr və kinoteatrların açılması ilə bağlı məsələyə aydınlıq gətirib

epa08307975 (FILE) – French police officers arrive on the red carpet before the Closing Awards Ceremony of the 72nd annual Cannes Film Festival, in Cannes, France, 25 May 2019 (reissued 19 March 2020). According to media reports, the Cannes Film Festival 2020 was cancelled, organizers announced on 19 March 2020, over the spread of the SARS-CoV-2 coronavirus causing the Covid-19 disease. The 73rd annual Cannes International Film Festival was due to take place from 12 to 23 May 2020. EPA-EFE/SEBASTIEN NOGIER

“Kinoteatrların, teatr-konsert müəssisələrinin fəaliyyətinin bərpa olunması Mədəniyyət Nazirliyinin, xüsusən mədəniyyət nazirinin şəxsi diqqətindədir”.

Bu barədə Mədəniyyət Nazirliyindən APA-nın sorğusuna cavab olaraq bildirilib.

Qeyd olunub ki, pandemiya şərtlərinə əməl edilməklə, kinoteatrların, teatr-konsert müəssisələrinin fəaliyyətinin qismən bərpasına icazə verilməsi ilə bağlı Nazirlik tərəfindən Operativ Qərargaha müraciət ünvanlanıb: “Hazırda davam edən Bakı Caz Festivalının, ötən il onlayn formatda keçirilən Üzeyir Hacıbəyli Beynəlxalq Musiqi Festivalının böyük məhdudiyyətlərlə olsa da, bu il canlı keçirilməsinə nail olmuşuq. Hazırkı şəraiti nəzərə alaraq, bu fakt özü ölkə rəhbərliyinin məsələyə verdiyi önəmin bir göstəricisidir.Bu festivallar bizim üçün bir sınaq rolunu oynayır. Belə ki, gedişat uğurlu alınarsa, bu, teatr-konsert müəssisələrinin açılmasına yönəlik müsbət addım olacaqdır”.

Bildirilib ki, teatr və kinoteatrların açılması məsələsində təkcə müəssisələrə yox, eyni zamanda tamaşaçılara da böyük ümidlər bəslənilir: “Onu da deyək ki, teatr-konsert müəssisələrində fəaliyyət göstərən əməkdaşların böyük əksəriyyəti peyvənd olunub. Ümid edirik ki, sıravi vətəndaşların – potensial tamaşaçılarımızın da əksəriyyəti peyvənd olunandan sonra kinoteatrların, teatr-konsert müəssisələrinin fəaliyyəti ənənəvi qaydada bərpa ediləcək. Ümid edirik ki, bu bəla xalqımızın başı üzərindən sovuşar və ölkəmizdə həyat tezliklə öz axarına qayıdar. Amma hələ ki, bu real təhlükə mövcuddur və dövlətimiz ilk növbədə əhalinin sağlamlığını düşünməyə məcburdur”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Şeyxülislam Bolonyada İnsan Qardaşlığı Ali Komitəsinin Baş katibi ilə görüşüb

Sonrakı məqalə

Azərbaycan Gorus-Qafan yolunda İran avtobuslarını da yoxlamağa başlayıb