Almaniya Futbol Federasiyasının (DFB) rəhbərliyi Almaniya millisinin baş məşqçisi Hans-Diter Flikin istefaya göndərilməsi ilə bağlı qərar qəbul edib.
Azpost.info bildirir ki, Fliklə birlikdə onun köməkçiləri Markus Zorq və Denni Rohl milli komandanı tərk etdilər.
Şənbə günü, sentyabrın 9-da Almaniya yığması evdə yoldaşlıq görüşündə Yaponiya yığmasına 1:4 hesabı ilə məğlub olub. Oyundan sonra Almaniya millisinin icraçı direktoru Rudi Föller komandanın çıxışını biabırçılıq adlandırıb.
Föller sentyabrın 12-də Dortmundda Fransa ilə keçiriləcək yoldaşlıq oyununda Almaniya millisinin baş məşqçisi kimi çıxış edəcək. Bundan əvvəl o, 2000-2004-cü illərdə milli komandanın baş məşqçisi olub, onun rəhbərliyi altında komanda 2002-ci il dünya çempionatının finalına çıxıb.
Flik Almaniya millisinə 2021-ci ilin may ayından rəhbərlik edir . Onun rəhbərliyi altında Almaniya yığması 2022-ci ildə Qətərdə keçiriləcək dünya çempionatında qrupdan vəsiqə qazana bilməyib. Almaniya Avro-2024-ün ev sahibi ölkəsidir, ona görə də milli komanda turnirdən əvvəl yalnız yoldaşlıq oyunları keçirir.
Almaniya millisi keçirdiyi 5 oyunun heç birində qələbə qazana bilməyib. Almanlar sonuncu dəfə martın 25-də Peru yığmasını 2:0 hesabı ilə məğlub etmişdilər. Daha sonra dörd məğlubiyyət və bir heç-heçə qeydə alınıb.
Azpost.info
