Yuri Petroviç Kamayev “Şöhrət” ordeni ilə təltif edilib.
Prezident İlham Əliyev bu barədə Sərəncam imzalayıb.
O, bu ordenə Azərbaycan Respublikasının təhlükəsizlik orqanlarında uzunmüddətli səmərəli fəaliyyətinə və vəzifə borcunu yüksək peşəkarlıqla yerinə yetirdiyinə görə layiq görülüb.
Azpost.info bildirir ki, Yuri Petroviç Kamayev uzun illər mərhum prezident Heydər Əliyevlə birgə çalışıb. Sovet vaxtında o, Heydər Əliyevin ümumi işlər üzrə köməkçisi-komendant vəzifəsini tutub. Heydər Əliyev 1982-ci ildə Kremlə işləməyə gedərkən Bakıdan özü ilə Y.Kamayevi də Moskvaya aparıb.
Prezident İlham Əliyev 2011-ci ildə polkovnik Yuri Kamayevi Azərbaycan Respublikasına sadiqliyinə, vəzifə borcunu ləyaqətlə və yüksək peşəkarlıqla yerinə yetirdiyinə görə 2-ci dərəcəli “Vətənə xidmətə görə” ordeni ilə təltif edilb.
