Fransa prezidenti Emmanuel Makron hakimiyyətini qorumaq üçün üçüncü dünya müharibəsini alovlandırmaq fikrinə düşüb”.
Azpost.info bildirir ki, bu barədə Rusiya Dövlət Dumasının sədri Vyaçeslav Volodin Makronun NATO qoşunlarının Ukraynaya göndərilməsi ilə bağlı son açıqlamalarını şərh edərkən deyib.
“Makron unudub ki, bir neçə il əvvəl müasir Fransanı Napoleon dövrü ilə müqayisə edərək, Bonapartın itkiləri nəzərə almadığını, lakin o vaxtdan bəri ölkənin insan həyatını hər şeydən üstün tutduğunu demişdi. Prezidentliyi dövründə Makron, açığını desəm, çox az şeyə nail olub”, – Volodin Telegram kanalında qeyd edib.
O, fermerlərin etirazlarını, Fransa iqtisadiyyatının durğunluğunu və ölkənin Afrikadakı geosiyasi məğlubiyyətlərini misal çəkib. Dövlət Dumasının spikerinin sözlərinə görə, Fransa vətəndaşları Makronu dəstəkləmir – onun reytinqi aşağı düşüb və prezident seçkiləri bu gün keçirilsəydi, onları Marin Le Pen qazanacaqdı (o, 2022-ci ildə ikinci yeri tutmuşdu).
“Makronun təşəbbüsləri Fransa əhalisi üçün təhlükəli olur. Belə bəyanatlar verməzdən əvvəl o xatırlamalıdır ki, Napaleonun 600 min əsgərinin meyiti nəm torpaqlarda qadı”, – deyə Volodin yekunlaşdırıb.
Azpost.info
