Molotov kokteyli
Rusiyanın Buryatiya Respublikasında məktəbə hücum hazırlayan 9-cu sinif şagirdi saxlanılıb. AzPost Rusiya mətbuatına istinadən xəbər verir ki, polis axtarış zamanı onun cibindən təhsil müəssisəsinin sxemi, həmçinin “Molotov kokteyli”nin hazırlanması ilə bağlı təlimatlar tapılıb.
Bildirilir kiinsident fevralın əvvəlində Ust-Barquzin şəhərində baş verib. Məktəbə hücum etməyi planlaşdıran lisey şagirdinin üzərində partlayışlar törətməyi planlaşdırdığı yerlərin diaqramı, habelə “Molotov Kokteyli”nin necə hazırlanacağına dair təlimat tapılıb.
Bundan başqa, məlum olub ki, yeniyetmə sosial şəbəkələrdə saxta adla səhifə yaradıb və orada yazılar dərc edib. Hazırda o, zaminə buraxılıb.
Xatırladaq ki, bir müddət əvvəl Moskvanın Zamoskvoretski Məhkəməsi Moskvanın Arbat küçəsi yaxınlığında polis avtomobilini yandıran təqaüdçü İvan Zelinskini həbs edilib.
Qeyd edək ki, hadisə dekabrın 24-də baş verib. 1959-cu il təvəllüdlü təqaüdçü polis maşınına yanar maye butulkasını atıb. Polis onu hadisə yerində saxlayıb, yanğın söndürülüb, xəsarət alan olmayıb.
Polisin məlumatına görə, şəxs Ukraynadan gələn üçüncü şəxslərin təsiri altında hərəkət edib və onlar telefonla ona göstəriş verilib. Təqsirləndirilən şəxsi 10 ildən ömürlük həbsə qədər cəza gözləyir.
