Vətəndaşlar bir çox hallarda MİDA-nın güzəştli mənzil satışı zamanı internetdən narazılıq edirlər. Onlayn platformada vaxtın azlığından, texnoloji vərdişlərin azlığı onlyan alış-veriş üçün əsas problem hesab edilir.
AzPost bildirir ki, informasiya texnologiyaları üzrə mütəxəssis Fərid Pərdəşünas MIDA-da onlayn formada ev almaq istəyənlər üçün bəzi məsləhətləri verib.
–MIDA üçün çox sürətli, 4000–5000 manatlıq kompüterə ehtiyac yoxdur. Orta göstəricilərdə, donmayan-tutulmayan, əməli, yəni RAM yaddaşı 8 GB və üzəri olan kompüterlərlə rahat oynamaq olur. Çalışın brauzerdə çox pəncərə açmayın. “Google Chrome” brauzeri ilə oynamaq məsləhətdir.
İnternetlə bağlı diqqətli olmaq lazımdır. Ola bilər sizə xidmət göstərən provayder yaxşı sürət verir, amma ping yüksəkdirsə, bu o deməkdir ki, artıq yarışda geridəsiniz. MIDA oyununda internetin ping dəyəri daha önəm kəsb edir. Bu serverə sorğunu yönəldib, cavab almaq üçün vaxtdır. Nə qədər aşağı olsa, bir o qədər yaxşıdır. 50 Mb/s yuxarı və 20-dən aşağı ping ideal olar. 20–30 arası ping də məqbuldur.Əl vərdişi — bu ən əsas məsələdir. Əgər həqiqətən ev udmaq istəyirsinizsə, məsləhətdir ki, ən az 1 həftə–10 gün əvvəldən demoda məşqlər edəsiniz. Gözünüz öyrəşməli və əl vərdişi yaranmalıdır. Xüsusi saytlar var ki, orada mausla reaksiya vermə sürətinizi artıra bilərsiniz. Gündəlik 10 dəqiqə reaksiya məşqi oyunda çox kömək olur. Mən udmaq üçün 7 gün məşq etmişdim.Əlavə texniki cihazlar: Oyun zamanı maus istifadəsi mütləqdir. Mausun DPI dəyərini, yəni ekranda sürüşmə sürətini tənzimləyin. Bu millisekundlar da olsa seçim sürətinizə təsir edə bilər. Kompüteri internetə bağlamaq üçün isə LAN kabeli istifadə etsəniz, yaxşı olar. Diqqət edin ki, oyun zamanı evdə şəbəkəni yükləyən əməliyyatlar olmasın.Oyun zamanı ən, ən, ən önəmli hissə demoda təqdim olunmayan təhlükəsizlik yoxlanışıdır. Açdığınız hər səhifədə sizi gözləyən bir təhlükəsizlik yoxlaması olur. Bu adətən həmin günün tarixi, sizin doğum tarixiniz, şəxsiyyət vəsiqəsinin seriya nömrəsi və ya hansısa təqdim olunan rəqəmin daxil edilməsi ola bilər. Burada işin diqqət edilməli tərəfi odur ki, rəqəmləri daxil etmək üçün düymələr ekranda virtual formada qarışıq yerləşir. Yəni normalda telefonda 1 2 3 rəqəmi yanaşı, altında 4 5 6 formasında gözümüz öyrəşibsə, burada sıralama ixtiyari olur. 5 7 3 altında 9 0 1 kimi. Yəni göz yaddaşı unudub, konkret rəqəmi axtarmaq lazımdır. Bunu özünüz haradasa çəkib, məşq edə bilərsiniz.Başqalarından kömək nə zaman ala bilərsiniz? Əgər qaydaları başa düşmədinizsə, deməli başqa şəxsdən kömək almalısınız. Bu qeyri-qanuni sayılmır. Ətrafınızda anlayışı olan adamdan bunu istəyə bilərsiniz. Amma tanıdığınız adam olmalıdır ki, sizə can yandırıb, məşq eləsin. Yoxsa, uzaq qohum, tanış-bilişdən xahiş etməklə bu iş alınmır. Əgər ping nədir, RAM nədir bilirsinizsə, kompüterə hakim olmusunuzsa, elə özünüz də məşq edib, başı çıxan adamdan daha yaxşı nəticə göstərə bilərsiniz.Bu işi pulla edən adamlar da var. Onlara pul vermək o halda qanunsuz sayılır ki, onlar kiber müdaxilə ilə nəsə edirlər. Buna qətiyyən razı olmayın, çünki məsuliyyət yaradır. Yox kimsə sizdən ödəniş alıb, bu işə zaman ayırdığı üçün qarşılıq tələb edirsə, bu hal başa düşülən sayıla bilər və qanunsuzluq elementi yoxdur. Buna mütləq diqqət edin.Ümumiyyətlə indiki şərtlərdə kiber müdaxilə çətindir. Çünki son ana qədər təhlükəsizlik yoxlanışını heç kim bilmir.
