Milliön
MilliÖn terminalları vasitəsilə 500 manatdan artıq məbləğdə ödəniş və ya pul köçürməsi etmək istəyən istifadəçilər şəxsiyyətlərini rəqəmsal platformalar vasitəsilə təsdiqləməli olacaqlar.
Yeni qayda ödənişlərin təhlükəsizliyinin artırılması və qanunvericiliyin tələblərinə uyğun olaraq tətbiq edilir.
Şəxsiyyətin təsdiqi Bir ID, SİMA və ya MyGov platformaları vasitəsilə həyata keçiriləcək. Bir ID ilə təsdiqlənmək istəyənlər bu prosesi “Birbank” tətbiqi üzərindən də tamamlaya bilərlər.
Təsdiq prosesi necə həyata keçiriləcək?
Yeni qaydadan istifadə etmək üçün aşağıdakı addımları yerinə yetirmək lazımdır:
- MilliÖn terminalında istədiyiniz xidməti seçin və ödəniş məbləğini daxil edin.
- Məbləğ 500 manatdan çox olduqda terminalın ekranında Bir ID, SİMA və ya MyGov vasitəsilə şəxsiyyəti təsdiqləmək seçimləri görünəcək.
- Seçim etdikdən sonra terminalın ekranında QR-kod əks olunacaq.
- Telefonunuzda müvafiq tətbiqi açaraq QR-kodu skan edin və şəxsiyyətinizi təsdiqləyin.
- Təsdiq prosesi uğurla başa çatdıqdan sonra ödənişi həyata keçirin.
İstifadəçilər nə etməlidir?
500 manatdan artıq ödəniş və pul köçürmələrini rahat həyata keçirmək üçün istifadəçilərin Bir ID, SİMA və ya MyGov tətbiqlərindən ən azı birinin aktiv olması tövsiyə edilir.
Beləliklə, MilliÖn terminallarında 500 manatdan yuxarı məbləğli əməliyyatlar zamanı şəxsiyyətin rəqəmsal təsdiqi tələb olunacaq.
Nadir
