Milli Məclisdə həlak olan İran Prezidentinin xatirəsi sükutla yad edilib

Milli Məclisdə İran İslam Respublikasının Prezidenti Seyid İbrahim Rəisinin, xarici işlər naziri Hüseyn Əmir Abdullahiyanın və digər müşayiət edən şəxslərin helikopter qəzasında həlak olmaları ilə bağlı bir dəqiqəlik sükut edilib.

Spiker Sahibə Qafarova ağır itki ilə əlaqədar həlak olanların ailələrinə və yaxınlarına, dost və qardaş İran xalqına səbir və dözüm diləyib.

Parlament sədri öz adından və Milli Məclisin deputatları adından İran İslam Respublikasına dərin hüznlə başsağlığı verib.

Xatırladaq ki, 19 mayda İran prezidenti İbrahim Rəisi, xarici işlər naziri Hüseyn Əmir Abdullahian, İranın Ali Liderinin Təbriz üzrə nümayəndəsi Məhəmməd Əli Ali Haşim, Şərqi Azərbaycan vilayətinin valisi Malik Rəhmətini Xudafərindən Təbrizə aparan helikopter vilayətin Vərzəqan rayonunda qəzaya uğrayıb.

Qəza nəticəsində 9 nəfər həlak olub.

Əvvəlki məqalə

İran XİN başçısı qəzaya uğrayan helikopterdə uçmamalı idi

Sonrakı məqalə

Prezident İlham Əliyev İran səfirliyinə gəldi, başsağlığı verdi