Nərimanov rayonunda yol-nəqliyyat hadisəsi törədərək qaçan sürücü tutulub.
Daxili İşlər Nazirliyinin mətbuat xidmətindən bildirilib ki, fevralın 10-da A.Nemətulla küçəsində Bakı şəhər sakini T.Kazakın xəsarət alması ilə nəticələnən yol-nəqliyyat hadisəsi baş verib. Hadisə yerindən yayınmış moped sürücüsü, paytaxt sakini R.Əsgərov Nərimanov Rayon Polis İdarəsinin 17-ci polis şöbəsi əməkdaşlarının keçirdikləri əməliyyat-axtarış tədbirləri nəticəsində müəyyənləşdirilərək saxlanılıb.
Faktla bağlı rayon polis idarəsi tərəfindən araşdırma aparılır.