“NATO ölkələrinin yarıdan çoxu Ukrayna üçün ABŞ-dan silah alınmasını nəzərdə tutan Prioritetləşdirilmiş Ukrayna Tələblər Siyahısına (PURL) qoşulmağa hazır olduqlarını bildiriblər“.
APA xəbər verir ki, bunu NATO-nun baş katibi Mark Rutte deyib.
“Yalnız ABŞ-ın təmin edə biləcəyi silah növləri var və alternativi yoxdur. Bu, PURL təşəbbüsü deyilən təşəbbüsdür. Biz iclasa başlayanda altı NATO ölkəsi bu təşəbbüsdə iştirak edirdi, lakin görüşdən sonra NATO ölkələrinin yarıdan çoxu – 16-17 ölkə ona qoşulmağa hazır olduğunu bildirdi”, – o deyib.
Rutte qeyd edib ki, ümumilikdə 19 NATO ölkəsi Təmas Qrupunun iclasında ABŞ-dan və ya ikitərəfli qaydada alınan yeni silahları Ukraynaya tədarük etmək niyyətini açıqlayıb, lakin hansı silahları nəzərdə tutduğunu dəqiqləşdirməyib.
