NATO-nun nizamnaməsində üzv ölkələrin xaric edilməsinə icazə verən heç bir müddəa yoxdur.
Azpost.info bildirir ki, bu barədə BBC-yə verdiyi müsahibədə NATO sözçüsü deyib.
Sözçü bunu ABŞ-ın İran müharibəsi ilə bağlı mövqeyinə görə İspaniyanın NATO-dakı üzvlüyünü dayandırmağa çalışa biləcəyi barədə məlumatları şərh edərkən vurğulayıb.
Reuters əvvəllər ABŞ rəsmisinə istinadən Pentaqonun daxili yazışmalarında İran müharibəsini dəstəkləməyən müttəfiqləri cəzalandırmaq üçün tədbirlər təklif olunduğunu, o cümlədən İspaniyanın alyansdakı üzvlüyünün dayandırılmasını və ABŞ-ın Britaniyanın Folklend adalarına iddiaları ilə bağlı mövqeyinin yenidən nəzərdən keçirilməsini bildirmişdi.
Agentliyə yazışmanı açıqlayan rəsminin sözlərinə görə, e-poçtda təklif olunan variantlardan biri “problemli” ölkələrin mühüm və ya nüfuzlu NATO mövqelərindən çıxarılmasını əhatə edir.
BBC-yə verdiyi müsahibədə NATO sözçüsü təşkilatın təsis müqaviləsində NATO üzvlüyünün dayandırılması və ya alyansdan xaric edilməsi ilə bağlı müddəaların olmadığını bildirib.
