“Oğlum Mikayıl biznesə aludə olub. Sea Breeze ərazisində balaca bir şirniyyat dükanı var. Mikayıl orada şirniyyat satır. Elə hey məndən hesabat tələb edir: “Ata, bu ay nə qədər qazancım oldu? Maaşım nə qədərdir?” Maraqlanır ki, bina tikmək neçəyə başa gəlir? Necə satamaq olur? Nə qədər qazanmaq olur? Biznes-prosesə nufuz etməyə çalışır”.
Azpost.info bildirir ki, bu sözləri KROKUS şirkətinin sahibi Emin Ağalarov “Hello” jurnalına müsahibəsində deyib.
Müsahibə Bakıda milyarder-musiqçinin “Sea Breeze” şəhərciyində götürülüb.
Emin deyib ki, ikinci oğlu Əli isə mahnılar yazır: “Ola bilsin birgə albom da buraxdıq. Bir müddət əvvəl gitarada ifanı öyrənməyə başlayıb. Bununla çox maraqlanır. Bütün uşaqlarım idmanla məşğul olur: Oğlanlar futbol və dzü-do, Əminə karate, Afina isə baletlə məşğuldur”.
Emin bildirib ki, tam istirahət günləri az olur, amma iş arası uşaqlar üçün vaxt ayıra bilər: “Qolf maşınında gəzirik, burqer yeyirik, kinoya gedirik”.
Emin deyib ki, 15 ildir ki, Bakıda “Sea Breeze”ni sahilyanı kurort şəhəri kimi tikir: “Hazırda heç kimə mane olmamaq üçün dənizin içində ayrıca “Niki beach” adlı diskoteka tikməyi planlaşdırırıq. Fikrimcə, tezliklə ora Rixos, Nobu kimi brendləri cəlb edə bilərik. Həmçinin burada İsveçrənin “CHenot” tipli klinika tikməyi planlaşdırıram”.
“Mən qazandığım pulları evdə saxlamıram. Etiraf edim ki, xərclərim qazancımdan çoxdur. Əgər restoranlardan müəyyən qədər pul qazanıramsa bu pullar tikilməkdə olan 5-6 altı yeni bina layihələrinə gedir. Bu məni daim bir əhvalda saxlayır. Sən prinsipcə müflis olmağın bir addımlığında olursan. Amma bu iş prosesidir. Əgər gün ərzində xeylrili bir iş görmədinsə onu itirilmiş sayıram”-deyə E.Ağalarov bildirib.
Azpost.info
