Azərbaycan Ordusunun Basarkeçər rayonunun Zod istiqamətində düşmənin hərbi infrastrukturunu məhv etməsinin görüntüləri yayılıb.
Həmin görüntüləri təqdim edirik.
Qeyd edək ki, bu gün Azərbaycan Müdafiə Nazirliyi Ermənistan tərəfi növbəti təxribata zəmin yaratması barədə məlumat yayıb.
Bildirilib ki, Basarkeçər rayonunun Zod istiqamətində əlavə canlı qüvvə və döyüş texnikası cəmləşdirən Ermənistan silahlı qüvvələri bölmələrinin aktivliyi tərəfimizdən müşahidə edilir: “Bununla qarşı tərəf növbəti təxribata zəmin yaratmağa cəhd göstərir. Bir daha bildiririk ki, bölgədə yaranmış gərginliyə görə bütün məsuliyyət məhz Ermənistanın hərbi-siyasi rəhbərliyinin üzərinə düşür”.
