Avstraliyanın Sidney Universitetinin alimləri oturaq həyat tərzinə görə qəfil ölümün qarşısının alınması ilə bağlı bir sıra təcrübələr aparıblar.
Azpost.info xəbər verir ki, nəticələri“British Journal of Sports Medicine” jurnalında dərc edilən araşdırmada 72 minə yaxın könüllü iştirak edib.
Hər bir iştirakçıya fiziki fəaliyyəti izləmək (neçə il oturaq həyat tərzi sürməsindən və ya bu rejimdə gündə nə qədər vaxt keçirməsindən asılı olmayaraq) və məlumatları qeyd etmək üçün qadcet təqdim edilib.
Məlum olub ki, gündəlik gəzinti hər şeydən əvvəl ürək-damar xəstəliklərindən ölüm riskini azaldır. O da üzə çıxıb ki, yalnız gəzmək deyil, gündəlik addımların müəyyən bir həddini (9-10 min) saxlamaq vacibdir.
“Gündəlik addımların sayının 9-10 minə qədər artırılması oturaq həyat tərzi keçirən iştirakçılar arasında ölüm və ürək-damar xəstəlikləri riskini optimal şəkildə azaldıb”, – tədqiqatda deyilir.
Azpost.info
