“Kristal Abşeron” şirkəti tərərfindən inşa edilən “Park Yasamal” yaşayış kompleksi təhvil verilmir. AzPost xəbər verir ki, bu barədə vətəndaşlar şikayət edir. Təməli 2022 avqust-sentyabr aylarında qoyulan və müqaviləyə görə 2024-cü ilin 2-ci rübündə (aprel ayında) təhvil verilməli olan binada hələ də iş gedir.
“Vəd verib, pulumuzu alıblar. Ərazidə başqa binalar üçün bünövrələr qazılır, bizim işi ləng görürlər. Yaxşı işləsələr bundan sonra 2-3 aylıq iş var. Belə davam etsələr payıza çəkər. Nə qədər adam həm kirayədə qalır, həm də ipoteka ödəyir” – deyə şikayətçilər bildirib.
Həmçinin binadə təmir işlərinin də aşağı səviyyədə aparıldığı qeyd olunur.
