Polis tanınmaz hala düşən meyitin yaxınlarını axtarır –Üstündən bir neçə maşın keçib

Hacıqabulda yol qəzasında ölən piyadanın meyiti tanınmaz halda olduğundan onun kimliyini müəyyən etmək mümkün olmayıb. 

Yanvarın 21-də saat 21:00 radələrində Bakı-Qazax magistral yolunun Qarasu və Padar kəndləri arasında “Ford” markalı avtomobil şəxsiyyəti məlum olmayan piyadanı vurub. Daha sonra arxadan gələn bir neçə maşın onun üstündən keçib. Vurulan piyada tanınmaz hala düşüb. Onun meyiti Şirvan şəhər Məhkəmə Tibbi Ekspertiza və Patoloji Anatomiya Mərkəzinə yerləşdirilib.

Hadisədən 17 gün keçməsinə baxmayaraq vurulan şəxsin kimliyini müəyyən etmək mümkün olmayıb. Əldə edilən məlumata görə, meyit tanınmaz halda olsa da, bəzi əlamətlərinə əsasən onu yaxınları və ya tanışları tanıya bilər. Belə ki, ölən şəxsin sol bilək nahiyəsində “ürəyə sancılan ox” təsviri və “M” hərfi yazılmış tatu var. Saçları xına rəngində, bəzi dişlərinin sarı metaldan olduğu bildirilir.

Bu əlamətlərə görə itkin düşən şəxs barədə məlumatı olanlardan hüquq-mühafizə orqanlarına müraciət etmələri xahiş olunur. (APA)

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Nuru Paşanın Azərbaycandakı hərbi qərargahı dağıdılır –

Sonrakı məqalə

İçərişəhərdə yaşayış binasında partlayış olub-