“Baş nazir Viktor Orban Ukraynadakı müharibəyə münasibətini dəyişməsə, Macarıstanla gələcək əməkdaşlıq mümkün deyil”.
Azpost.info xəbər verir ki, bunu Polşa baş nazirinin müavini Yaroslav Kaçinski deyib.
Kaçinski bildirib ki, Orbanın Rusiya prezidentini Ukraynanı işğala görə qınamaqdan və Kiyevin silahlandırılmasına yardımdan imtina etməsinə olduqca mənfi yanaşır. “Buçanı görmək üçün Orbanın oftalmoloqa ehtiyacı var. Münasibətlərin bərpası yalnız Ukraynadakı müharibə ilə bağlı qiymətləndirmələrdə dəyişiklik edildikdən sonra mümkündür!”, – Kaçinski bəyan edib.
Bu bəyanatdan sonra Macarıstan hökumətinin rəsmisi Bertalan Havaşi Orbanın Buçadakı qətliamı pislədiyini bildirib. Onun sözlərinə görə, Macarıstan məlum hadisənin səbəbkarlarının müəyyən edilməsinə yönəlmiş beynəlxalq araşdırmanı tam dəstəkləyir.
Azpost.info
