İran prezidenti Rəisinin olduğu helikopterin qəzaya uğradığı yer haqqında hələ də etibarlı məlumat yoxdur. Axtarışa yeni xilasetmə qrupları və bir neçə alpinist qrupu qoşulub.
Azpost.info bildirir ki, bu barədə İranın rəsmi dövlət agentliyi İRNA məlumat yayıb.
Xəbərdə deyilir ki, hava getdikcə qaralır, yağış yağmağa başlayıb, lakin axtarışlar davam edir. Xilasetmə qrupları prezident helikopterinin qəzaya uğradığı ehtimal edilən əraziyə çatıb. Lakin leysan palçıq yaradaraq avtomobillərin və insanların keçidini çətinləşdirib.
Axtarışlar aparılan ərazi yüksək dağlıq ərazidə yerləşir və avtomobillə gəlmək mümkün olmadığından xilasedicilər piyada hərəkət etməli olurlar. Buna görə də xilasetmə işləri çətinləşib.
