“Putin kələfin ucunu itirib. O bundan sonra nə edəcəyini bilmir. Rusiyanın Ukrayna ilə müharibədə uzunmüddətli strateji planı yoxdur”.
Azpost.info bildirir ki, bu sözləri hərbi-hüquq tədqiqatları Mərkəzinin rəhbəri Aleksandr Musienko Ukraynanın “24-cü kanal”-ına açıqlamasında deyib. Onun sözlərinə görə, Kreml situasiyaya uyğun hərəkətə ümid edir və sonrakı addımlarını cəbhədə hadislərin necə inkişaf edəcəyi ilə ölçür.
“Rusiyanın yeganə planı müharibəni qışa qədər uzatmaqdır. Ruslar qaz amilinə istinad edir və bu məsələnin Avropanı iki yerə böləcəyini ümid edirlər”-deyə ekspert vurğulayıb.
