“Putin Ukrayna ərazisində keçirdiyi xüsusi əməliyyatın məqsədini dəyişə bilər”.
Azpost.info bildirir ki, bu barədə ABŞ Müdafiə Nazirliyinin kəşfiyyat idarəsinin direktoru Skott Berrier bildirib. Məlumatı “Associated Press” yayıb.
“İndi biz o məqama gəlib çatmışıq ki, Putinə bu əməliyyatın məqsədinə yenidən baxması lazım gələcək. Mən belə hesab edirəm”-deyə Berrier vurğulayıb.
Onun sözlərinə görə, Rusiya liderinin qərarının necə olacağı barədə ABŞ kəşfiyyatı məlumatsızdır. Amma hesab edirlər ki, Putin müharibənin uzanması faktını nəzərə almalı olacaq.
Mərkəzi Kəşfiyyat İdarəsinin direktoru Devid Koen isə deyib ki, amerikan kəşfiyyatında Moskvanın Ukraynada kütləvi qırğın silahı istifadəsi ilə bağlı planı barədə konkret subutlar yoxdur.
Bu yaxınlarda Putin Ukrayandakı vəziyyəti şərh edərkən bildirib ki, əsas məqsəd Donbasın bütün ərazilərini azad etməkdir.
