“Dünən baş verənlərdən sonra Putin mifi dağıldı”.
Azpost.info bildirir ki, bu sözləri xalq yazçısı, bütün MDB-də məşhur olan Çingiz Abdullayev “Vaqner” qiyamı barədə paylaşımında bildirib.
Onun sözlərinə görə, bu mifi Ukraynada müharibə deyil, Priqojinin üsyanı məhv etdi: “İndi daha heç nəyi dəyişdirmək mümkün deyil. Putinin hətta 2024-cü ildə seçkidəki kardinal qələbəsi belə bu faktı dəyişdirə bilməyəcək. Bu daha həmişəlikdir”.
Ç.Abdullayevin fikrincə, 2030-cu ilə qədər ən böyük problemlər bundan sonra başlayacaq.
“Müharibəyə gəlincə, bir daha vurğulayacağam. Qərbə etimad etməyin. Rusların və ukraynalıların bir-birini qırması onlar üçün faydalıdır. Necə deyərlər, “şəxsi heç nə yoxdur, sadəcə biznesdir””.
Yazıçı deyib ki, Qərbi qanlı Ukraynadan çox Çin və Hindistan narahat edir: “Əgər Rusiyanı bir az da incidə bilsən, bu, xoşdur. Mən hələ də başa düşə bilmirəm ki, Ukrayna üzrə “mütəxəssislər” Rusiya rəhbərliyinə hansı analitik təhlilləri veriblər?”
Azpost.info
