Kreml “Vaqner”in qurucusu Yevgeni Priqojinə Afrikadakı əməliyyatların bir hissəsini saxlamağa icazə verib.
Azpost.info xəbər verir ki, bu barədə “Bloomberg” mənbələrə istinadən yazıb.
Söhbət “Vaqner”in Mərkəzi Afrika Respublikasındakı fəaliyyətindən gedir. Agentliyin həmsöhbətlərindən birinin sözlərinə görə, Rusiya prezidenti Vladimir Putin Afrikada “Vaqner”in əməliyyatlarının davam etdirilməsi üçün icazə verib.
Bu arada, dünən Kreml qiyamdan beş gün sonra Putinin Priqojinlə görüşdüyünü təsdiqləyib.
Agentliyin məlumatına görə, Rusiya Müdafiə Nazirliyi “Vaqner”in Mərkəzi Afrika Respublikasındakı əməliyyatlarını öz üzərinə götürə bilməz. Bundan başqa, Moskvanın Sudanda və başqa yerlərdə məqsədlərinə çatmaq üçün Rusiya hərbi idarəsinə özəl podratçılar lazım olacaq.
2018-ci ildən “Vaqner”çilər üsyançılara qarşı mübarizədə Mərkəzi Afrika Respublikası hökumətinə kömək edir. “Vaqner”in muzdluları və hərbi təlimatçılar da hərbçilərə döyüş taktikasını öyrədirlər. Bunun müqabilində Priqojinlə əlaqəli şirkətlərə ölkədə qızıl və digər sərvətlər çıxarmaq imkanı verilib.
Azpost.info
