Rusiya rəhbəri Vladimir Putin Ukraynaya qarşı hərbi əməliyyatları dayandırmaq fikrində deyil. O, müharibəyə sadəcə geosiyasi məsələ kimi deyil, həm də özünün “tarixi missiyasının” bir hissəsi kimi baxır.
AzPost bildirir ki, bu barədə “The Financial Times” qəzetinin məqaləsində deyilir.
Nəşr qeyd edir ki, Putin döyüş meydanında öz üstünlüyünə əmindir və buna görə də Rusiya iqtisadiyyatına artan təzyiqlərə baxmayaraq, güzəştə getməyə ehtiyac görmür. Yüksək rütbəli avropalı məmurun sözlərinə görə, Rusiya prezidenti üçün müharibə pulla ölçülmür, daha çox onun irsi və ideoloji mübarizəsidir: “Bu, miras məsələsidir. Putin bu müharibədə qalib gələcəyinə əmindir. Onun üçün bu, ideoloji mübarizədir”.
FT mənbələri bildirir ki, Putin tarixə Böyük Pyotrdan sonra Rusiyanın ən böyük lideri kimi düşməyə çalışır.
Xatırladaq ki, 2022-ci il fevralın 24-də o, Donbası “müdafiə etmək” bəhanəsi ilə “xüsusi hərbi əməliyyat” elan edərək Rusiyanın Ukraynaya genişmiqyaslı müdaxiləsinin başladığını bəyan edib.
