Rusiya prezidenti Vladimir Putin hesab edir ki, rus qoşunları Ukrayna Silahlı Qüvvələrinin müdafiəsini yara və Ukraynanın dörd rayonunu tamamilə ələ keçirə bilərlər.
AzPost bildirir ki, bu barədə Bloomberg adının açıqlanmasını istəməyən məlumatlı mənbəyə istinadən xəbər verir.
Nəşrin mənbəsinin bildirdiyinə görə, Putin ABŞ prezidenti Donald Trampla söhbətdə ilhaqıı elan etdiyi Ukraynanın Luqansk, Donetsk, Xerson və Zaporojye vilayətlərinə tam nəzarəti ələ keçirə biləcəyinə olan inamı əsas götürəcək.
Beynəlxalq Strateji Araşdırmalar İnstitutunun əməkdaşı Ben Barri hesab edir ki, Rusiyanın ilin sonuna qədər Ukraynanın dörd bölgəsini tamamilə ələ keçirə bilməsi ehtimalı son dərəcə aşağıdır. Ukrayna Silahlı Qüvvələrinin müdafiəsi iflasa uğrayarsa bu əraziləri ələ keçirmək Rusiya Silahlı Qüvvələri üçün sadə iş olacaq, lakin hazırda belə bir ssenari olduqca çətin görünür.
Bloomberg qeyd edir ki, Tramp müharibənin tez bir zamanda bitməsinə ümid edir, Putin isə öz növbəsində döyüşləri dayandırmağa hazır olduğuna dair heç bir əlamət göstərmir.
ABŞ prezidenti bundan əvvəl Putinin 30 günlük atəşkəsi qəbul etmədiyi təqdirdə Rusiyaya qarşı sanksiyaları sərtləşdirməyə hazır olduğunu bildirmişdi. Bloomberg xatırladır ki, Rusiya atəşi dayandırmayıb, lakin Amerika sanksiyalarının yeni paketi hələ qəbul edilməyib.
