Almaniya kansleri Olaf Şolts iki ay yarım davam edən müharibədən sonra Putinin mövqeyində heç bir dəyişiklik görməyib.
Azpost.info xəbər verir ki, Şolts Almaniyanın “t-online” portalına müsahibəsində Putinlə son telefon söhbətindən danışıb.
Onun sözlərinə görə, Moskvada Ukrayna ilə bağlı mövqeyini dəyişmək istəyi yoxdur: “Putin anlamalıdır ki, bu vəziyyətdən yeganə çıxış yolu Ukrayna ilə razılığa gəlməkdir. Rusiya özünü dramatik vəziyyətə salıb. Biz iqtisadi təcridin hara apardığını görürük. Rusiya prezidenti başa düşməlidir ki, real sülh gələnə qədər onun ölkəsinin dünya tərəqqisindən faydalanmaq imkanları əngəllənir”.
Putinlə Şolts arasında telefon söhbəti mayın 13-də Berlinin təşəbbüsü ilə baş tutub. Tərəflər Ukraynadakı humanitar vəziyyəti müzakirə ediblər. Putin Rusiya-Ukrayna danışıqlarının Kiyev hökumətinin təşəbbüsü ilə bloklandığına diqqət çəkib.
Azpost.info
