Rusiya İstintaq Komitəsi “Vaqner”in qurucusu Yevgeni Priqojinin öldüyünü təsdiqlədikdən sonra prezident Vladimir Putinin onun dəfninə gedib-getməyəyi yenidən gündəmə gəlib.
Azpost.info xəbər verir ki, jurnalistlər Kremlin sözçüsü Dmitri Peskova bu sualı növbəti dəfə ünvanlayıblar.
Peskov bildirib ki, Rusiya lideri Yevgeni Priqojinin ailəsinə başsağlığı verib. O əlavə edib ki, hazırda Priqojinin dəfn mərasimi ilə bağlı məlumat yoxdur. Putinin vida mərasiminə qatılıb-qatılmayacağı da hələlik məlum deyil.
“Priqojinin dəfni ilə bağlı hələlik heç bir məlumat yoxdur, qərar qəbul olunan kimi ictimaiyyətə açıqlanacaq”, – Peskov bildirib.
O qeyd edib ki, Priqojinin dəfni ilə bağlı qərar ilk növbədə onun qohumlarından asılı olacaq.
Azpost.info