Rusiya təhlükəsizlik xidmətləri prezident Putini və onun ən yaxın köməkçilərini qoruyan xüsusi CCTV sisteminin bir hissəsini söndürüb.
Azpost.info-nun məlumatına görə, bu barədə iki mötəbər mənbə Financial Times qəzetinə bildirib.
Bu, İran ali rəhbəri Ayətullah Əli Xameneyinin Tehranda öldürülməsindən sonra baş verib.
Mənbələrdən birinin məlumatına görə, bu sistem Moskvada quraşdırılmış təxminən 300.000 kameradan ayrı işləyir. Hərtərəfli yoxlamadan və onu internetdən mümkün qədər təcrid etmək cəhdlərindən sonra Putini qoruyan kameralar yenidən işə salınıb.
Bu tədbirlər
Qeyd edək ki, İsrail kəşfiyyatı Xameneyi və digər yüksək vəzifəli məmurlara qarşı sui-qəsd əməliyyatı planlaşdırmaq üçün onun yerini müəyyən etmək məqsədilə İran yol hərəkəti kameralarından çoxlu sayda video görüntüləri izləyib.
Bu sui-qəsddən sonra Rusiya elektron müşahidə sistemini söndürüb.
Kremlin sözçüsü Peskov qəzetin kameranın bağlanması ilə bağlı suallarına cavab verməyib.
Lakin FTX direktoru Bortnikov əvvəllər regional təhlükəsizlik rəsmilərinə Rusiyanın genişmiqyaslı müşahidə aparatının zəiflədiyi barədə xəbərdarlıq etmişdi. “ABŞ-İsrail ittifaqı tərəfindən İranın yüksək vəzifəli məmurlarının bu yaxınlarda öldürülməsi açıq bir xəbərdarlıq əlamətidir. Qurbanların yer koordinatları qismən Tehranda video monitorinq sistemlərindəki proqram təminatı “arxa qapılar” vasitəsilə əldə edilib”, – deyə o, mayın 26-da bildirib.
Rusiyanın tədbirlərinə baxmayaraq, müstəqil ukraynalı hakerlərdən biri FT-yə bildirib ki, Moskvada və hətta Kremlin ətrafındakı kameralar hələ də işləyir və müntəzəm olaraq haker hücumuna məruz qalır.
FT-yə görə, hökumətlər çoxdan bilirlər ki, bacarıqlı hakerlər müşahidə kameralarını haker hücumuna məruz qoya bilərlər və onlar tədbir görürlər.
