Qələbə paradının hazırlıq məşqləri keçirilib –

FOTO
08 Dekabr 2020 - 15:51

Vətən müharibəsində qələbəyə həsr olunmuş hərbi parada hazırlıq məşqi keçirilib.

Azadlıq meydanında keçirilən məşq zamanı Azərbaycan Ordusunun düşməndən ələ keçirdiyi hərbi qənimətlər nümayiş olunub.

Müdafiə Nazirliyinin (MN) mətbuat xidmətinin rəhbəri polkovnik-leytenant Anar Eyvazov bildirib ki, dekabr ayının 10-da keçiriləcək paradda müharibə zamanı düşməndən ələ keçirilən toplar, kiçik çaplı, orta çaplı və iri çaplı minaatanlar, tanklar, BMP-lər nümayiş olunacaq.

Eyni zamanda, paradda hava hücumundan müdafiə sistemləri, eləcə də hərbi gəmi və katerlər nümayiş etdiriləcək. Eyvazov qeyd edib ki, bugünkü məşq hərbi paradın sınaq mərhələsidir.