“Qanuni oğru” “Vasya Bandit” ( İqor Kokunov) insult keçirərək xəstəxanaya yerləşdirilib. Ertəsi gün o, istintaq təcridxanasına qaytarılıb.
AzPost bildirir ki, bu barədə REN TV-dəki mənbə məlumat verib.
İyulun 24-də istintaq təcridxanasında cinayətkarın vəziyyəti kəskin pisləşib; onun üçün təcili yardım çağırılıb və o, paytaxt klinikalarından birinin reanimasiya şöbəsinə yerləşdirilib.
Kokunovun vəziyyəti stabilləşib və bu gün, iyulun 25-də o, yenidən istintaq təcridxanasına göndərilib.
Ona xroniki beyin işemiyası ilə yanaşı, ayaqlarının damarlarında və böyrəklərində problemlər də diaqnozu qoyulub.
“Vasya Bandit”in adı kriminal dairələrdə əfsanədir. O, oğurluğa görə ilk cəzasını 15 yaşında alıb. Sonra daha ağır cinayətlərə görə həbs edilib. O, dəbdəbəli yaşamağı sevir. Xüsusi təyinatlıların müşayiəti ilə müstəntiqlər bir neçə dəfə onun yaşadığı yerdə olublar.
2022-ci ildə cinayət iyerarxiyasında yüksək vəzifə tutmaqda şübhəli bilinərək həbs olunduqdan sonra Vasya Bandit ev dustaqlığından qaçıb. Necəsə Avropaya diqqət çəkmədən keçə bilib. Lakin Monteneqro və Albaniya sərhədində saxlanılıb. 2024-cü ildə Rusiyaya ekstradisiya edilib.
