Bıçaq
Abxaziyada təşkil olunan kriminal toplaşma zamanı “Quli” ləqəbi ilə tanınan qanuni oğru Temur Kapba ağır xəsarət alıb.
AzPost xəbər verir ki, məlumata görə, Kapba dəvət olunmadan yaxtaya gəlib və burada digər kriminal avtoritet Raul Barzbaya ilə mübahisə edib.
“Prime Crime” Telegram kanalının yaydığı xəbərə görə, mübahisə əlbəyaxa dava ilə nəticələnib. Temur Kapba rəqibinə bıçaqla hücum etməyə cəhd göstərib, lakin özü döyülüb, bıçaqlanaraq dənizə atılıb. Hadisədən sonra o, sudan çıxarılaraq Respublika Xəstəxanasına yerləşdirilib. Onun vəziyyəti barədə ətraflı məlumat verilməyib.
Hadisə Abxaziyada kriminogen durumun hələ də qeyri-sabit olduğunu və “qanuni oğru”lar arasında gərginliyin davam etdiyini göstərir. Qeyd edək ki, Temur Kapba kriminal aləmdə Qafqaz bölgəsində nüfuz qazanmış şəxslərdən biri hesab olunurdu.
