Alimlər qara hörümçəklərin (Latrodectus hesperus) cütləşmə zamanı istifadə etdiyi qeyri-adi üsulu üzə çıxarıb. Son araşdırmalara görə, dişi hörümçəklər erkəkləri cəlb etmək üçün torlarına xüsusi kimyəvi maddələr – feromonlar buraxır. Bu maddələr zamanla parçalanaraq qalıcı bir qoxuya çevrilir ki, bu da insanlar üçün “çirkli ayaq” iyinə bənzəsə də, erkəklər üçün güclü cazibə mənbəyi sayılır.
AzPost bildirir ki, araşdırma Almaniya və Kanadadan olan mütəxəssislərin birgə işi nəticəsində aparılıb və Journal of Chemical Ecology jurnalında dərc olunub. Tədqiqatda göstərilir ki, qara hörümçəklərin dişiləri digər həşəratlardan fərqli olaraq, yalnız müəyyən dövrlərdə deyil, ilboyu torlarından feromon siqnalı kimi istifadə edir.
Ekspertlərin sözlərinə görə, bu kimyəvi mexanizm sayəsində dişi hörümçəklər erkəkləri həm yaxın məsafədən, həm də uzaqdan cəlb edə bilir. Laborator analizlər zamanı paxtu torunda əsas feromon komponentləri müəyyən edilib, daha sonra sahə təcrübələri ilə onların effektivliyi təbii mühitdə də sübuta yetirilib.
Alimlər bildirirlər ki, dişilər qoxunun intensivliyini mövsümə görə tənzimləyir. Xüsusilə yaz və yay aylarında, erkəklərin cütləşmə axtarışının ən fəal dövründə, torun qoxusu daha güclü təsir göstərir.
