Quru öskürək həm yorucu, həm də gündəlik həyat fəaliyyətini çətinləşdirən simptomlardan biridir. AzPost xəbər verir ki, Rusiyanın Səhiyyə Nazirliyinin baş pulmonoloqu Sergey Avdeyev bu cür öskürəyi yüngülləşdirmək üçün sadə və təsirli üsullardan danışıb.
Həkimin sözlərinə görə, kiçik bir parça tünd şokolad öskürəyin tezliyini və şiddətini azalda bilər. Bu təsir şokoladda olan teobromin maddəsi ilə bağlıdır. Avdeyev bildirir ki, isti su və bir qaşıq bal qəbul etmək də selikli qişanı yumşaldaraq rahatlıq yaradır. Bundan başqa, boğazı qıcıqlandıran hissi azaltmaq üçün pastil və ləpələrdən istifadə etmək tövsiyə olunur.
Mütəxəssis qeyd edib ki, quru öskürək zamanı periferik təsir göstərən dərmanlar seçilməlidir. Belə preparatlar yalnız simptomu boğmur, həm də tənəffüs yollarının qıcıqlanmasının əsas səbəbini aradan qaldırmağa kömək edir.
Avdeyev əlavə edib ki, xalq təbabətinə aid üsullar vəziyyəti müvəqqəti olaraq yüngülləşdirsə də, tam müalicəni əvəz etmir. Öskürək uzun müddət keçməzsə, özbaşına müalicədən çəkinmək və terapevtə və ya pulmonoloqa müraciət etmək lazımdır.
