“Rusiya qoşunları Ukraynanın şərqində genişmiqyaslı hücuma hazırlaşır və yaxın 10 gün ərzində Donbası ələ keçirməyə cəhd edə bilər”.
Azpost.info xəbər verir ki, CNN bunu Fransa Müdafiə Nazirliyinin rəsmi nümayəndəsi, polkovnik Paskal Lanniyə istinadən yazıb.
Lanninin sözlərinə görə, rus qoşunları Donetsk və Luqansk vilayətlərini tutmaq, hətta Dneprə qədər irəliləmək niyyətindədir: “Növbəti bir neçə gün ərzində Rusiya Donetsk və Luqansk vilayətlərini ələ keçirmək üçün şərq və cənubda genişmiqyaslı hücum cəhdlərini bərpa edə, hətta Dneprə qədər irəliləyə bilər”.
Onun sözlərinə görə, indiki mərhələdə rus qoşunlarının şərq cəbhəsində ciddi irəliləyişi yoxdur.
Azpost.info
