Rusiya Ukrayna münaqişəsi üzrə nizamlanma planı hazırlayan Afrika nümayəndə heyətinin gəldiyi gün Kiyevə raket zərbələri endirib.
Azpost.info xəbər verir ki, bu barədə paytaxt meri Vitali Kliçko bildirib.
Onun sözlərinə görə, Podolsk vilayətində partlayış baş verib və daha bir neçə raket şəhərə doğru uçub.
Kiyev hərbi idarəsindən bildirilib ki, Rusiya eyni vaxtda ballistik, qanadlı raketlər və dronlardan istifadə edib: “Hava hücumundan müdafiə sistemləri 6 “Kinjal” aeroballistik raketini, 6 “Kalibr” qanadlı raketini və 2 kəşfiyyat aparatını məhv edib”.
Tələfat və dağıntılar barədə məlumat yoxdur.
Azpost.info
