Hindistan və Rusiya ikitərəfli ticarətdə rupiyə keçilməsi ilə bağlı işləri dayandırmaq qərarına gəliblər.
Azpost.info xəbər verir ki, bu barədə “Reuters” öz mənbələrinə istinadən yazıb.
Agentliyin məlumatına görə, Moskva 40 milyard rupidən çox tam konvertasiya olunmayan valyuta saxlamağı sərfəli hesab edib.
Başqa bir məlumata görə, Rusiya ödənişi yuan və ya digər valyutalarla etməyi təklif edib.
“Biz artıq rupi ilə bağlı qərar vermək istəmirik. Bu mexanizm sadəcə işləmir. Hindistan bunu təsirli etmək üçün əlindən gələni etdi, amma heç nə alınmadı. İndi ölkələr alternativlər axtarırlar”, – başqa bir mənbə “Reuters”ə bildirib.
“Bloomberg” daha əvvəl bildirmişdi ki, Rusiya ABŞ-ın dollarla ödənişlərə icazə verməyən sanksiyaları səbəbindən Hindistana silah və sursat tədarükünü dayandırıb. Agentliyin mənbələrinə görə, Moskva Dehliyə 2 milyard dollardan çox silah tədarük edib, lakin Hindistan hakimiyyəti onların pulunu ödəyə bilmir.
Azpost.info
