“Birləşmiş Ştatlar Rusiyanı qlobal şəbəkədən ayırmamağa çağırır. Rusiyanın internetə çıxışı olmalıdır ki, ölkə sakinləri doğru məlumat ala bilsinlər”.
Azpost.info xəbər verir ki, bunu ABŞ Dövlət Departamentinin sözçüsü Ned Prays bildirib. “Biz bütün dünyadan olan vasitəçiləri Rusiyanı internetdən ayırmamağa çağırdıq ki, ölkəyə informasiya axını davam etsin. İnternet Rusiyada azad və açıq qalsın”, – Prays deyib. Son açıqlamalarının birində Rusiya xarici işlər naziri Sergey Lavrov interneti nəzarətə götürməyə çağırıb. Əks halda nəticələrin fəlakətli ola biləcəyini deyib. Lavrov bildirib ki, Rusiya internet idarəçiliyinin demokratikləşdirilməsi ilə bağlı uzun illərdir Beynəlxalq Telekommunikasiya İttifaqında ciddi danışıqlara başlamağı təklif edir. Lakin ABŞ başda olmaqla, əksər Qərb ölkələri bu cür müzakirələrə mane olur.
Azpost.info
