“Rusiya mayın 16-17-də Mariupolda əsir düşmüş ukraynalı hərbçilər və mülki şəxslərə qarşı irimiqyaslı təxribat hazırlayıb”.
Azpost.info xəbər verir ki, bu barədə “İnformNapalm” beynəlxalq kəşfiyyat cəmiyyəti məlumat yayıb. Məlumata görə, 2000-ə yaxın əsirin psixoloji xarakterli hərəkətlərə cəlb edilməsi planlaşdırılır: “Mariupola kəşfiyyat qoşunları göndəriləcək. Onlara özləri ilə qaz maskaları və tam qoruyucu dəst, həmçinin altı yük maşını götürmək əmri verilib”.
Hazırda Rusiya komandanlığının planının tam aydın olmadığı vurğulanır. “InformNapalm”ın analitikləri əldə edilən məlumatlara əsaslanaraq bildirirlər ki, əsirlərdən “Azovstal” müdafiəçilərinin təslim olduqları görüntüsü yaratmaq üçün istifadə oluna bilər: “Bundan sonra onlar tankların içindəkilərdən (ehtimal ki, kimyəvi maddələrdən) Ukrayna hərbçilərini öz mövqelərindən çıxarmaq üçün istifadə etməyə çalışacaqlar. Həmçinin əsirlərdən hücum əməliyyatının həyata keçirilməsi üçün canlı qalxan kimi istifadə oluna bilər”.
Azpost.info
