Rusiya Ukrayna vətəndaşlığından imtinanı sadələşdirib.
Azpost.info xəbər verir ki, Rusiya prezidenti Vladimir Putin bununla bağlı qanun imzalayıb.
Yeni qanuna əsasən, müvafiq ərizəni verdiyi gündən etibarən şəxsin Ukrayna vətəndaşlığına xitam veriləcək.
Sənəd hüquqi informasiyanın rəsmi portalında dərc olunub. Dövlət xidmətləri portalında həm şəxsən, həm də elektron formada müraciət etmək mümkün olacaq.
Qanuna görə, vətəndaşlar sənədlərin təqdim edildiyi gündən Ukrayna vətəndaşının hüquqlarını həyata keçirməkdən və vəzifələrini yerinə yetirməkdən, xüsusən də pasportdan və vətəndaşlığı təsdiq edən digər sənədlərdən istifadə etməkdən çəkinməlidirlər. Əgər şəxs bu tələbi pozarsa, o zaman vətəndaşlıqdan çıxmaq haqqında ərizə etibarsız sayılacaq.
Təkrar ərizə ilə müraciət etmək yalnız birinci ərizənin etibarsız sayıldığı tarixdən 10 il sonra mümkün olacaq.
Bundan başqa, 14 yaşına çatmamış şəxs üçün ərizə qanuni nümayəndələr: valideynlər və ya qəyyumlar tərəfindən təqdim edilməlidir.
Azpost.info
