Rusiya Ukraynada ABŞ-ı Ballistik Raket Müqaviləsindən çıxmağa vadar edən raketdən istifadə edib.
AzPost bildirir ki, bu barədə Reuters agentliyi məlumat yayıb.
Ukraynanın xarici işlər naziri Andrey Sibiqa agentliyə bildirib ki, son aylarda Rusiya Ukraynaya hücumlarda digər vasitələrlə yanaşı, 9M729 raketindən (NATO-nun hesabat adı SSC-8) istifadə edib.
“Avqust ayından bəri Rusiya bu raketi Ukraynaya 23 dəfə atıb”,-deyə başqa bir yüksək vəzifəli Ukrayna rəsmisi Reuters agentliyinə bildirib.
Reuters Sibiqanın sözlərinə istinadən bildirir ki, “Rusiyanın son aylarda RSMD Müqaviləsi ilə qadağan edilmiş 9M729 raketlərindən Ukraynaya qarşı istifadə etməsi Putinin ABŞ-a və Prezident Trampın müharibəni bitirmək üçün diplomatik səylərinə hörmətsizliyini göstərir”.
9M729 raketi əvvəllər Rusiya ilə ABŞ arasında münasibətlərdə gərginliyə səbəb olub. Onun hazırlanması məxfi olub və xüsusiyyətləri haqqında məlumat azdır. Lakin Vaşinqtona görə, 9M729 təxminən 2500 kmə qədər uça və potensial olaraq nüvə başlığı daşıya bilir. Bu, 1987-ci ildə SSRİ ilə ABŞ arasında imzalanmış Orta Mənzilli Nüvə Qüvvələri Müqaviləsini (INF) pozur. 9M729-un istehsalı barədə məlumat aldıqdan sonra ABŞ INF Müqaviləsindən çıxıb. Lakin Moskva 9M729-un maksimal atəş məsafəsinin 500 km-i keçmədiyini və buna görə də müqavilənin pozulmadığını iddia edir.
