Rusiyada yol qəzası nəticəsində 10 nəfər həlak olub

29 Yanvar 2021 - 22:48

Rusiyanın Samara vilayətində baş vermiş yol qəzasında 10 nəfər həlak olub.

AZƏRTAC xəbər verir ki, hadisə “Ural” federal avtomobil yolunun üstündəki Sızran rayonunda baş verib. “DAF” yük maşını, “Chevrolet Niva” minik avtomobili və “Citroen” sərnişin mikroavtobusunun toqquşması nəticəsində 10 nəfər həlak olub, daha 14 nəfər yaralanıb. Yaralılardan ikisinin vəziyyəti çox ağır, 8-nin vəziyyəti isə ağır kimi qiymətləndirilir.