“Vaşinqton Rusiyanın aktivlərini müsadirə etmək qərarına gəlsə Moskva ABŞ-la diplomatik münasibətləri kəsməyə hazırdır”.
Azpost.info xəbər verir ki, bunu Rusiya xarici işlər nazirinin müavini Sergey Ryabkov bəyan edib.
“Biz istənilən ssenariyə hazırıq. Birləşmiş Ştatlar belə bir illüziyaya qapılmamalıdır ki, Rusiya bu dövlətlə diplomatik münasibətləri ikiəlli saxlayır”, – Ryabkov deyib.
Onun sözlərinə görə, ABŞ və Rusiya beynəlxalq təhlükəsizliyin və strateji sabitliyin qorunmasında mərkəzi rol oynadığından, Moskva məlum istiqamətdə ilk addımı atmaq niyyətində deyil.
Rusiya XİN rəsmisinin bəyanatı Co Bayden administrasiyasının Rusiya aktivlərinin Ukraynaya yardım üçün istifadəsi ilə bağlı müttəfiqləri ilə təcili danışıqlara başlaması fonunda verilib.
Azpost.info
