“Rusiyaya qarşı sanksiyaların nəticələri qeyri-sabit regionlarda yeni hərbi münaqişələrə, eləcə də yeni epidemiyalara səbəb olacaq”.
Azpost.info xəbər verir ki, bunu Rusiya Təhlükəsizlik Şurasının sədr müavini Dmitri Medvedev özünün “Teleqram” kanalında bildirib. “Uzun illərdir vəziyyətin sülh yolu ilə həll olunmadığı və ya əsas beynəlxalq oyunçuların əhəmiyyətli maraqlarının nəzərə alınmadığı yerlərdə yeni regional hərbi münaqişələr yaranacaq”, – Medvedev yazıb. O, Rusiya ilə Qərbin qarşıdurmasından istifadə edəcək terrorçuların aktivləşəcəyini də proqnozlaşdırıb. Medvedevin fikrincə, yeni epidemiyalar sanitar-epidemioloji sahədə beynəlxalq əməkdaşlığın rədd edilməsi və ya bioloji silahdan istifadə ilə bağlı birbaşa faktlar nəticəsində yaranacaq. Medvedevin sözlərinə görə, Rusiyaya qarşı tətbiq edilən sanksiyalara görə dünya həm də siyasi, maliyyə və ərzaq böhranları ilə üzləşə bilər.
Azpost.info
