Şavkat Mirziyoyevin böyük qızı Səidə Mirziyoyevanın tezliklə Özbəkistan prezidentinin birinci köməkçisi vəzifəsinə təyin ediləcəyi gözlənilir.
Azpost.info xəbər verir ki, bu barədə “Azadlıq” radiosunun Özbəkistan xidməti hökumətdəki mənbələrə istinadən məlumat yayıb.
Mənbələrin məlumatına görə, bu, Özbəkistan prezidentinin yenilənmiş administrasiyasında ən yüksək vəzifədir. Beləliklə, 38 yaşlı Səidə Mirziyayeva atası Şavkat Mirziyayevin indiki administrasiyasının rəhbəri olacaq.
Bundan əvvəl Səidə Mirziyoyeva Prezident Administrasiyasında qadın hüquqları və təhsili ilə bağlı bir sıra qanunvericilik təşəbbüslərini irəli sürüb və yerli mətbuatda fəal şəkildə təbliğ edilib.
Prezidentin mətbuat xidməti Prezident Administrasiyasının rəhbəri Sərdor Umurzakovun işdən çıxarılması ilə bağlı məlumatı rəsmən təsdiqləyib. Özbəkistan prezidentinin sərəncamı ilə Prezident Administrasiyasının rəhbəri vəzifəsi ləğv edilib. Sərdor Umurzakov prezidentin xüsusi tapşırıqlar üzrə müşaviri vəzifəsinə təyin edilib.
Azpost.info
