Şəmkirdə bıçaq xəsarəti alan yeniyetmə qız xəstəxanada vəfat edib.
Azpost.info APA-ya istinadən xəbər verir ki, hadisə rayonun Mahmudlu kəndində baş verib.
Belə ki, kənd sakini, 2014-cü il təvəllüdlü Ə. Namazova ağır vəziyyətdə xəstəxanaya çatdırılıb. Həkimlərin göstərdiyi bütün tibbi yardımlara baxmayaraq, onun həyatını xilas etmək mümkün olmayıb.
İlkin məlumata görə, qızın valideynləri onun gün ərzində itkin düşməsi ilə bağlı polisə müraciət ediblər. Bir müddət sonra isə yeniyetmə yaşadıqları evin həyətyanı sahəsində bıçaq xəsarətləri almış vəziyyətdə aşkarlanıb.
Hazırda hadisənin hansı şəraitdə baş verdiyi və ölümün səbəbləri hüquq-mühafizə orqanları tərəfindən araşdırılır.
Faktla bağlı araşdırma davam etdirilir.
